3 совети како да внесете цветни дезени во вашиот дневен престој | Papilora.mk
Како да изберете додатоци со цветен дезен за вашиот ентериер? Време е да заборавите на цветните завеси и тапацири што ги красеа домовите на нашите баби. Новите декорации во модерен стил ќе му дозволат на вашиот простор вистински да процвета. Во кој стил можете да ги вметнете цвеќињата? Сè ќе дознаете о оваа статија.
Дајте им нова шанса на цвеќињата и „облечете“ ги вашите ѕидови во бои! Ви претставуваме 3 стила со кои многу лесно ќе го внесете цветниот дезен преку слика на платно, перница или прекривка. Сето тоа заедно ќе изгледа дизајнерски и модерно. Предноста е што од овие цвеќиња нема да кивате, ниту пак ќе венеат!
1. Во едноставноста е убавината
Повторувањето на различни нијанси на една боја претставува импресивен и моментално многу популарен тренд во уредувањето на домот. Затоа, не треба да ја занемарите ниту соодветната боја на ѕидот. Освен бојата на ѕидовите, едноставен и многу ефикасен начин да се постигне овој ефект е да користите цветни дезени кои се повторуваат во различни нијанси на бојата што доминира во просторијата. Ако ви се чини премногу еднолично и не сакате да ја „задушите“ собата со една боја, обидете се да изберете два основни елементи кои ќе ја носат таа нијанса – на пример, слика на ѕид и домашен текстил.
2. Будење на винтиџ стилот
Разбудете ја вашата креативност и наместо класични рози и божури, користете диви цвеќиња во винтиџ стил. Со совршената мешавина на носталгија и класичен изглед, цвеќињата се еден од наједноставните дезени што можат да се вклопат во винтиџ естетиката, која одлично функционира и во модерна средина. Идеално решение се навлаки за перници, кои лесно можете да ги менувате според актуелната сезона.
3. Ретро стил
Која е првата работа што ви паѓа на ум кога ќе замислите цветен дезен? Дали е тоа пудра розова боја што ве потсетува на детството? Размислете повторно! Цветните дезени можат да бидат темпераментни и вистински да го привлечат вниманието. Ретро стилот се карактеризира со бои како црвена, кафеава, црна, зелена, розова, виолетова, сенф-жолта или комбинација од овие нијанси.
Овој стил вклучува бои за кои можеби никогаш не сте размислувале, а сепак е многу актуелен во дизајнерските предлози оваа година. Основен елемент на овој стил е смислата за детали. Секое парче мебел во овој стил се бори да биде центар на вниманието. Овој стил можете да го внесете во вашиот дом преку мебел, слики, декорации за дом или фототапети.
Во оваа статија ви претставивме совети како да го разубавите вашиот ентериер со помош на цвеќиња. Тие се многу популарни денес, а покрај тоа, голем плус е што се симбол на оптимизам и љубов, што ќе ви помогне да создадете пријатна атмосфера по долг и исцрпувачки ден.
Извор: wallartprints.com.au
Пријатен ден ви посакува Зузка :)
Ондреј Марчинов
Експерт за ѕидна уметност и дизајн на ентериер
Од 2017 година се занимава со ѕидна уметност и онлајн маркетинг. Последните години се фокусира на креирање сопствени дизајни, кои им ги претставува на клиентите во форма на слики на ѕид. Ги следи трендовите, споделува корисни совети и верува во моќта на боите и визуелната приказна во ентериерот.
